Прэм’ера аперэты "Марыца"

Музыка Імрэ Кальмана святочная, багатая і шчырая. Акрамя дваццаці аперэт, спадчына кампазітара ўключае творы для сімфанічнага аркестра, інструментальныя п’есы, рамансы, вакальныя цыклы, а таксама артыкулы і рэцэнзіі. Але знакамітым Кальман стаў менавіта дзякуючы сваім дзіўным аперэтам. Іх яркія, іскрыстыя любоўю да жыцця мелодыі, маментальна запаміналіся і напаўнялі душы слухачоў радасцю і аптымізмам.

Кампазітар быў прымхлівы і стараўся даваць сваім аперэтам толькі жаночыя назвы. Што ж, можна заўважыць, лёс яго твораў насамрэч складваецца ўдачна, – яны сталі сусветным здабыткам і асацыююцца з венгерскім характарам. "Марыца" – здаецца, самая "венгерская" аперэта Кальмана і здольна выклікаць захапленне нават у самага дбайнага знатака аперэтачнай класікі. Створаная сто гадоў таму і ўпершыню паказаная на сцэне венская тэатра Ан дэр Він 28 лютага 1924 года, яна адразу ж заняла месца аднаго з лепшых твораў кампазітара.

Праз 10 год ў рэпертуар Беларускага дзяржаўнага акадэмічнага музычнага тэатра вяртаецца аперэта Імрэ Кальмана "Марыца". Раней гэта аперэта ставілася ў тэатры ў 1975 і 1992 гадах.

Над новай пастаноўкай "Марыцы" працуюць рэжысёр-пастаноўшчык – народны артыст Расіі Юрый Лапцеў, знаёмы нашаму гледачу па пастаноўцы аперэты "Герцагіня з Чыкага", дырыжор-пастаноўшчык – лаўрэат міжнароднага конкурса, галоўны дырыжор тэатра Юрый Галяс, дырыжор – лаўрэат міжнародных конкурсаў Мікалай Макарэвіч, балетмейстар-пастаноўшчык – галоўны балетмейстар балета аперэты і мюзікла Алена Дмітрыева-Лаўрыновіч, мастак-пастаноўшчык – галоўны мастак тэатра Андрэй Меранкоў і мастак па касцюмам – Ілля Падкапаеў.

У спектакле будуць удзельнічаць народная артыстка Беларусі Маргарыта АЛЕКСАНДРОВІЧ, заслужаны артыст Рэспублікі Беларусь Віктар ЦЫРКУНОВІЧ, лаўрэаты міжнародных конкурсаў Яўгенія КРОХІНА, Вольга ЖАЛЕЗКАЯ, Сяргей СПРУЦЬ, Яўген ЕРМАКОЎ, Кацярына СТАНКЕВІЧ, Вікторыя ЖБАНКОВА-СТРЫГАНКОВА, Наталля ДЗЯМЕНЦЬЕВА, дыпламант міжнародных конкурсаў Арцём ХАМІЧОНАК, салісты тэатра Ілля САВАНЕЎСКІ, Наталля ЧАБЁЛКА, Яўген ДАЛІДОВІЧ, Міхаіл АНДРЭЕЎ, Пётр ЛЕЎКАВЕЦ, Валянцін КРЫЎЧЫК, Ігар БАСАК і іншыя.

Старадаўні двор, дзе гучаць цыганскія песні і жыццё ідзе мерна і павольна, стаў месцам сустрэчы двух людзей, празначаных адзін для аднаго. Каб спалучыць свае лёсы, маладой багатай графіне Марыцэ і кіраўніку яе дваром Тасіла прыйдзецца пераадолець саслоўныя адрозненні і канфлікт, выкліканыя сутыкненнем іх моцных характараў...

Запрашаем на прэм’еру аперэты Імрэ Кальмана "Марыца" 29 і 30 мая 2025 года!
Білеты:
29 мая у 19.00
30 мая у 19.00